16/11 追悔莫及

我上次post左條link就俾Google話我個blog係spam...算數..我下次唔貼link, 自己去右邊"有用連結"搵啦.

有睇我既blog應該都係我既fd多架啦, 星期一見到我果時可以隨時罵我「白痴」, 「廢」,「放咁早」,「抵你冇得賺」呢d, 本人絕對不還口. 估唔到由32,000點開始hold put, 29,000果時冇俾人震走, 27,000太貪唔走, 要到28000先走. 咁都唔緊要, 過兩日恆指即刻跌多千幾點. 點解我要咁早放put呢?

今日係自制day-off, 可以唔使叫fd入, 自己試下做dealer. 做dealer果然唔容易, 開始佩服點解我個fd入野可以入得咁勁. 睇住d 輪係咁升, 個心一直十五十六, 入唔入好呢? 結果去到午市, 我唔理啦, 入左先講. 認真講, 今日唔同3萬2果時, 之前好sure恆指一定會跌, 但今次唔係. 只不過覺得仲有得跌je. 我自己都冇咩信心, 真係抱著博一博既心態去買, 我自己就唔建議大家入貨. 我今次入put都係睇大陸有冇新攪作. 祖國好鐘意星期六先黎公佈呢樣果樣, 市傳大陸加息 (唔係存款準備金率) 而且日圓又玩野, 值得博下, 亦都可能係自己條氣唔順, 放左put先黎跌, 賭仔心態.

做左dealer先發現香港人真係好有錢. 今日係大跌市,但係都好多人係度掃貨, 我下面俾個建行(建設銀行 0939.HK) 既例子俾大家.

7.440 7.450
49% 51%
3,313,000(109) 3,453,000(33)
1,840,000(80) 1,661,000(7)
2,570,000(298) 1,437,000(17)
3,846,000(168) 1,143,000(8)
19,914,000(2,112) 845,000(10)
總數 總數
31,483,000(2,767) 8,539,000(75 )

以上係９３９個盤, 可能有人唔識睇, 咁我大約講下啦 左邊係買盤 , 右方係賣盤, 下面果個總數係股數, 括號入面既係人數. 好啦, 大家有眼見咩叫血肉長城. 二千幾人走去入貨, 八十個人都唔到就係度放貨. 但係個價都升唔上去, 二千幾人都唔夠八十人打, 唔通果八十人係戰狼300咩. 當然有大戶係度派貨俾大家啦, 佢地放野就唔使排隊既, 所以呢度二千幾人係同大戶打緊銀彈戰, 一邊放, 一邊接, 睇下老散錢多定係大戶貨多. 所以我最後都決定買put, 呢個都係原因之一, 不過可能今晚us又玩野, 升百幾點, 咁我都冇野好講.

而家咁既市,你有一日估到升定跌都好神奇架啦.. 如果我話有一個人估中晒今個星期升定跌, 你信唔信? 口講無憑, 證據最實際. 你地玩股既時候想知升定跌? 最好睇一睇佢篇文.
大師一週預測

周一(庚戌日):天干屬金地支屬土,土生金之局,對大市有利。惟地支戌土對股市偏淡,市況現反覆。
結果：跌1500點

周二(辛亥日):天干屬金地支屬水,金生水之局,市況向淡。是日「伏吟」,尤其不利,小心大市跌幅擴大。
結果：止跌回升，下午由低位升幅尤勁

周三(壬子日):天干地支皆屬水,水太旺而不利股市,恆指進一步下調,資源及中資金融股皆下跌。
結果：反彈1300點, 資源及中資金融股皆升

周四(癸丑日):天干屬水地支屬土,土剋水之局。地支丑土為金庫,天干癸水傷丁,是日低開後,大市有望下午見底。
結果：上午托住, 下午大跌

周五(甲寅日):天干地支皆屬木,木能吸水,是日大市可望止跌回升,作出似樣的反彈。
結果：裂口低開下插 , 跌到冇朋友


勁 唔勁? 一星期5日都中晒. 呢個就係沈大師啦. 大師原名沈振盈 , 由於經常開口中, 被冠以「大師」之名. 大師身經百戰, 戰績輝煌, 曾多次準確預知股市動向, 是眾多股民既明燈. 從8月到11月, 大師準確率高達九成, 跟大師買(對家)既人早已賺得盤滿缽滿. 再俾大師d戰績你地睇下

09/08
港 股 終 於 作 出 比 較 像 樣 的 回 升 ， 在 圖 表 上 已 出 現 了 見 底 的 訊 號 ， 相 信 今 次 的 調 整 浪 已 完 成 ， 短 期 走 勢 可 望 反 覆 向 上 ， 重 拾 升 軌 。
結果恆指該日再挫四百點
10/08
港 股 終 於 作 出 比 較 像 樣 的 回 升 ， 在 圖 表 上 已 出 現 了 見 底 的 訊 號 ， 相 信 今 次 的 調 整 浪 已 完 成 ， 短 期 走 勢 可 望 反 覆 向 上 ， 重 拾 升 軌 。整 固 後 上 望 23000
恆指繼續下跌六百點, 8月恆指更加跌至19,000

13/08
只 要 套 現 活 動 一 完 ， 大 市 的 承 接 力 亦 會 重 新 出 現 ， 相 信 本 周 港 股 可 望 企 穩 ， 待 次 按 問 題 所 引 致 的 沽 壓 一 消 ， 指 及 H 指 便 能 重 納 升 軌 。
14/08

實 戰 理 論 ： 期 指 轉 強 調 整 已 完 勁 升 在 望
15/08
港 股 方 面 ， 成 交 減 少 反 映 沽 壓 漸 減 ； 期 指 未 平 倉 合 約 數 量 逐 步 減 少 ， 也 是 沽 壓 減 弱 的 訊 號 。 只 要 指 及 期 指 企 穩 於 22000 點 之 上 ， 港 股 不 宜 過 份 看 淡 。
16/08
實 戰 理 論 ： 見 底 有 兆 　 港 股 回 升 可 期
17/08
實 戰 理 論 ： 低 位 十 字 大 藍 籌 現 見 底 訊 號

大錯特錯! 這星期大師睇好咁多日就跌足咁多日, 恆指大跌3千點.

2007-08-21
實 戰 理 論 ： 大 局 未 定 趁 高 位 先 沽 貨
2007-08-22
實 戰 理 論 ： 調 整 未 完 再 試 低 位 支 持
2007-08-29
實 戰 理 論 ： 越 升 越 危 利 淡 因 素 揮 之 不 去
2007-08-30
實 戰 理 論 ： 波 幅 太 大 只 宜 短 炒 忌 長 線

唔使我講, 恆指大升4千點, 開始了十年難得一遇既大升市, 一直升至10月底

睇到未? 大師絕對係開口中, 同大師做對沖, 賺到你見牙唔見眼 , 最後附上網友對沈大師在9-10月的戰績:

817大跌1200點見底後 大師言論...

8月29日 實 戰 理 論 ： 越 升 越 危 利 淡 因 素 揮 之 不 去(大唱淡風 要減磅)
大 市 升 上 現 水 平 ， 看 似 上 衝 無 力 ， 就 算 可 以 再 升 ， 策 略 只 宜 逐 段 減 貨 。 8 月 初 的 跌 浪 中 ， 筆 者 堅 持 後 市 可 回 升 ， 並 再 創 新 高 。 但 看 見 近 日 之 升 勢 ， 已 極 有 當 年 97 股 災 前 的 影 子 ， 最 後 的 升 幅 博 與 不 博 ， 自 己 去 衡 量 吧 ！

8月31日 實 戰 理 論 ： 兵 凶 勢 危 大 波 動 市 要 識 執 生(再唱淡風 又要出貨)
當 大 市 回 升 之 時 ， 最 穩 妥 的 做 法 就 是 逐 級 沽 貨 獲 利 ， 沽 清 手 中 股 票 後 ， 就 要 有 耐 性 去 等 跌 市 。

9月4日 實 戰 理 論 ： 頂 位 在 望 逐 步 沽 貨 此 其 時(第三次出貨 個市就跌啦 好驚呀)
從 6 月 中 開 始 ， 筆 者 一 直 看 好 ， 由 20300 點 至 今 ， 升 幅 已 近 4000 點 ， 現 時 開 始 獲 利 實 在 正 常 ， 就 算 高 位 未 見 ， 相 信 也 庶 幾 矣 ！ (結果再升多5000點到三萬點都唔知見頂未)

9月18日 實 戰 理 論 ： 位 高 勢 危 減 磅 清 貨 為 上 策(第四次出貨啦 就黎股災)
現 階 段 最 佳 策 略 是 減 磅 增 持 現 金 ， 就 算 清 貨 離 場 也 不 為 過 。 就 算 恆 指 真 的 上 試 26000 甚 至 27000 點 ， 也 只 是 博 多 1000-2000 點 ， 相 對 於 可 能 出 現 的 調 整 風 險 ， 隨 時 是 4000-6000 點 ， 值 博 率 如 何 ， 大 家 心 中 有 數 。(恒指係上試三萬點 水位係有4000-5000點而唔係大師所講的1000-2000點 仲有呀大師 聽左你講分段出貨D人神早無哂貨 再出貨要玩沽空先得啦)

9月28日 實 戰 理 論 ： 挾 高 轉 倉 慎 防 10 月 大 跌(10月大跌喎 係呀 大跌左一日咁多囉)
大 市 從 周 一 開 始 進 行 轉 倉 活 動 ， 一 路 升 ， 就 一 路 加 倉 ， 看 形 勢 10 月 份 不 似 做 好 倉 。(10月升到爆頂啦大師)

10月2日 實 戰 理 論 ： 保 持 大 跌 市 危 機 感(日日都危機感 屎都無力痾啦...咦 乜大師有看好咩 大師日日睇淡架喎?!)
雖 然 在 8 月 份 的 跌 市 有 很 多 評 論 看 得 都 頗 淡 ， 但 當 時 筆 者 仍 堅 持 看 好 ， 主 要 是 因 為 那 一 次 跌 市 令 大 家 都 措 手 不 及 ， 大 戶 未 走 ， 自 然 死 也 托 回 高 位 。 (從上面8月尾至9月尾的評論 大師明明係睇淡 張大眼講大話)

10月11日 實 戰 理 論 ： 期 指 低 水 動 力 減 弱(點解動力越弱 個市越升得勁?大師 個市真係去到三萬點)
現 時 恆 指 距 離 30000 點 只 差 不 足 1500 點 ， 30000 點 的 關 口 勢 將 出 現 巨 大 回 吐 的 壓 力 。 為 了 1500 點 而 去 搏 命 ， 值 得 嗎 ？ (大師, 恆指係上到三萬二千點先識停啊)