3分鐘, 只需3分鐘,足夠令我失去1萬6千大元. 聯儲局, 我會記住你既! 伯南克, 我永遠都會記得你!
說回正題, 杜指跌穿13,000關口, yen又到109.9x,一開市就跌是一件正常不過的事. 放了小小的put, 也算有點蠅頭小利. 再入多轉put, 無驚無險又到12點半, 暫時休戰. 食完飯再睇一睇. 頂, 有冇眼花? 期指由低水200點急升到高水200點. 攪咩??!! 上上chatroom, 先知唔知邊條pk 話聯儲局(fed)開緊急會議, 商討是否提前減息. 受消息影響, 中國, 日本, 台灣 等地股市立時止跌回升, 仲要係大升. 大佬, 用腦稔下都知唔係真架啦. 而家係香港時間, 下午2時, 美國時間凌晨2時啊!!! 聯儲局班人唔使訓啊?! 伯南克唔使訓啊?! 大佬, 作野唔該都作得好d啦. 但係慘就慘在,而家港股中午休市, 咩都做唔到. 而美國果邊又係凌晨, 冇人會出黎澄清消息真假. 好啦, 咁就代表左一樣野, 一陣開市一定升到飛天. 咁...我d put點算好?
冇法, 真係咩都做唔到, 火都黎. 好! 你做初一, 我做十五. 放晒所有put輪, 反手開call! 果不其然, 一開市, 第一分鐘, 恆指由跌緊七百幾點急升至跌三百點. 先唔見一大半, 第二分鐘, 恆指已經升到無升跌. 到第三分鐘, 恆指已經係升緊幾十點, 呢個時候我先放得到d put輪, 共蝕1萬6千點. 反手做call, 去到收市, 先放1/3既call 賺1千7百, 唉..總好過咩都冇. 留2/3 call, 睇下今晚佢老美究竟攪乜鬼.
最後, 幫我一個fd既blog賣下廣告先.
http://asakuranemu.blogspot.com/
一個非常值得留意的blog, 文章充實, 內容豐富, 更是你學習英文的最佳伙伴.
http://asakuranemu.blogspot.com/
是你一生都不能錯過的地方.
這裡, 是人類發揮其無窮創意之地; 這裡, 是你重新思考自我價值之處.
http://asakuranemu.blogspot.com/
你今天到了沒有?
Subscribe to:
Post Comments (Atom)
1 comment:
我今天去過了。
Post a Comment