四叔啊四叔..點解你早唔講,遲唔講, 係都要今日先黎講呢? 我仲未入夠put啊!! 我相信連四叔都出聲既話, 師奶啊,叔伯啊都應該知道發生緊咩事, 就係調整又黎啦. 今個星期, 唔使我講都知係一定跌..差在係跌幾多.
大家要睇既位只有一個, 就係上次調整既最低位, 大約係26,9xx附近啦, 我唔係好記得. 點解呢個位咁重要? 因為上次就係有唔少人以為果個位就係底, 一窩蜂咁衝去掃貨. 係就開心左一兩日, 但係好快又坐晒艇, 所以要睇下27,000呢個位既支持有幾大? 不過我個人就唔多睇好, 阿爺連857, 386 都拎出黎祭旗, 個市試下唔跌? 下星期又放多d新聞出黎lor, 阿爺大把招數, 唔怕你個市唔跌.
如果,萬一恆指真係跌穿27,000, 咁點好? 我既偶像林sir, 林森池先生就講過 , 27,000可以分批買入. 冇人可以估到個底係邊, 除非你係基金大戶. 你可以做既就係見平就買少少, 再跌就買多d, 咁樣就可以分散你既風險. 個市最多會跌幾多? 我估就係 24,000, 不過呢個可能性真係唔高, 結論係在於頭肩頂一旦完成, 根據以前經驗恆指都會有排跌. 所以大家要有心理準備, 可能整個11月都係跌勢.
咁大市會跌既話, 抽新股又好唔好呢? "阿里巴巴"上市暴升3倍,平均一手賺1萬3. 此消息一出, 又引左無數師奶, 學生走去抽新股, 以圖一時之利. 其實我個人就唔係好建議人去抽新股, 因為你唔知道佢以往既表現係點. 當然你話短炒既冇問題, 最好就即日放啦. 近期好多新股上市後不久便直線下跌, 最好例子便是復星(0656.HK) 同埋 大昌行 (1828.HK) . 復星已經由高位回落, 開始迫近招股價. 而大昌行更為不堪, 跌穿了招股價不止, 還繼續不斷尋底, 可見新股並不是穩賺的.
而且我也很好奇, 到底有多少人抽新股時會先一下招股書內裡的內容呢? 一份招股書動輒有數百頁, 載有公司資料, 前景, 營運策略, 雖然好像有點多, 但卻可以提昇你對該行業的敏感度. 現在花你數小時, 幫你對一個行業的認識打下基礎, 日後你再看到該行業的新聞時, 便可以在固有的基礎上一直增加自己的知識, 對你分析該行業的前景時尤其有用. 例如, 一些國策 如十一。五, 十七大等, 這些國家的發展路向會如何影響一個行業均會在招股書上刊登. 所以大家下次抽新股時, 不妨看一看招股書, 隨時令你掌握一些別人察覺不到的資料, 就是平常吹吹水, 也可有所作為.
本來稔住打一篇關於期指既文, 但係chatroom有人講起97金融風暴既戰況, 咁我又聽下, 發現原來唔係想像中咁簡單, 政府同大鱷兩邊都做左唔少野, 遲下我搵多d料先再打出黎啦.
No comments:
Post a Comment