唔使估今日個市會點行, 只係一起身見到杜指升左三百點, 就知自己今日就快可以上ifc. 杜指收市(升/跌)有三百點係好大件事, 恆指例必過千點. 同個fd講左陣, 就知今日唔理蝕幾多都要放晒d put輪. 唔放? 冇可能. 係輪商既偉大發明" 引申波幅" 之下, 聽日恆指跌二千點, 我d put 輪都升唔番而家既價位. hold又死, 放又死, 呢種心態真係好難受.
果然, 一開市就升左成千點, 我地都放晒手上d貨 . put輪由尋日賺2萬變到今日賺得1萬, 熊仔更係平手離場, 樣衰到冇朋友. 怪就只怪自己太貪, 稔住hold多幾日等終極一跌, 點知今日就死左. 下次玩輪真係唔好長hold. 個市冇咩好講既, 下午388 出左report, 盈利升140% 唔算差. 加上中移動又話同apple達成協議, 推出iphone, iphone 係us不過係USD 500 , 但聽講大陸可以賣到7500 RMB, 你都咪話冇市場. 結果收市恆指升1362點 , 中移動更加大升9.2% , 真係好在走得快.
5號仔今日出report, 撥多左14億美元出黎, 差唔多啦. 但係又睇到一個消息 匯控<0005.hk>無需為CDO作進一步鉅額撇賬. 有冇可能呢? 次按問題真係一句撥備幾十億元就可以當冇事? 呢d就要等待ibank既新一輪report會點. 在新的會計制度下, 大行有幾多CDO就一目了然.
後市會點? 尚在觀望當中, 雖然今日恆指似乎在頸線之上收市, 能不能企穩仍是未知之數, 加上恆指現今仍在10天線和20天線之下, 此兩處也會是恆指的阻力位. 在恆指未升破這兩個阻力位之前, 不可輕言恆指已經重拾升勢.
Subscribe to:
Post Comments (Atom)
No comments:
Post a Comment