唔開市就真係冇咩好講既. 唯一可以提下既就係"地下錢莊"事件, 點解6月捉人,8月公開, 要到而家先黎講呢? 好明顯就係大陸做野啦. 中央電視台一出手, 香港既傳媒就紛紛響應, 一時間風聲鶴唳. 中央咁做當然有用意啦. 你班外資仲想打劫大陸同胞? 問過中央政府先啦! 加上, 阿爺見上次話直通車唔開住, 恆指都跌咁少, 咪繼續出口術lor. 可見香港股市一日未到阿爺心目中既水平, 直通車都唔會開.
順帶一提, 大陸咁樣整一整, 落黎香港既資金應該會少左, 咁樣落去會好難突破頭肩頂, 而頭肩頂一旦完成, 港股就兇多吉少.
有人叫我寫教學. 我第一個想法係「吓? 要寫d咩啊?」. 其實而家網上已經好多基本既資料, 打上去Google搵應該明係咩意思. 但係咁樣答又好似好hae. 咁我就寫下d玩輪要注意既地方啦. 有錯請插, 小弟會盡快更正的.
好多人一開始既稔法係"我得果五千蚊, 唔好話投資, 買正股都買唔到啦." 其實這個想法有點兒偏激. 雖然以昨日收市計, 五千元剛好只夠你買一手"中國銀行" (3988.HK), 需4340元, 更別說貴一點的工商銀行, 建設銀行. 咁係唔係話冇錢既人就唔玩得股票呢? 當然唔係啦. 不過你要做好心理準備, 因為你可以買既, 會係大戶最為賺錢的工具之一, 窩輪(Warrant).
窩輪既一般資料可在各大發行商的網頁找到. 小弟就不在此多說了. 在此要說的是一些買窩輪時常犯的錯誤.
1. 千萬千萬要緊記, 發行商對窩輪具有絕對的權力, 連港交所也沒權過問. 什麼意思? 發行商可以從兩方面操控窩輪的價格. 第一, 發行商可以自行決定窩輪的交易時間, 當然要在香港的交易時間內啦. 不過在十時,或是十時半,又或是十一時, 便由發行商決定. 假如開市後發現窩輪沒有交易, 不妨打打電話給發行商, "提醒"一下他們香港已經開市了. 第二, 窩輪的發行數量也是由發行商決定的. 至於有甚麼影響, 下面會有解說.
2. 之前在網上看到, 一些內地股民, 不懂窩輪的特點, 眼見自己手上的窩輪價格下跌, 便繼續大手買入, 等待回升的一天, 愈跌便愈買, 最終自己手上都是蟹貨. 這種想法是絕對錯誤的. 發行商根本無懼你買入多少, 因為它可以無限量的加大發行數量, 只需在三天前在港交所的網頁登一下告示便可以了. 所以, 窩輪根本不會因供不應求而價格上升.
3. 買窩輪不同於正股, 正股不放沒有問題, 但窩輪卻是有時間值的. 意思就是時間一直過去, 你手上的窩輪價格只會不斷下跌(不計正股上下波幅), 所以如非必要, 不應長期持有窩輪. 「留得青山在, 那怕沒柴燒」這種想法, 還是留在正股上吧.
4. 止蝕! 記緊要懂得止蝕. 買窩輪之前, 最好為自己設一個止蝕價, 跌穿了某一價位便要止蝕了. 窩輪的波幅甚為巨大, 一天幾十%上落可視作等閒. 不止蝕? 我怕你有生之年也回不了家鄉. 尤其是現在前景未明的情況下, 止蝕是必須的.
寫住咁多先啦,個chatroom又開始講股, 我要加埋一份先. 有咩遲d補上
Subscribe to:
Post Comments (Atom)
No comments:
Post a Comment