今日終於見識到咩叫"挾死淡友". 尋晚臨訓之前見到美股叫做有d升幅,仲稔住今日恆指都會係技術反彈,俾大戶放吓貨,同時又引下班老散去入貨. 點知一起身就見到杜指最後係倒跌...睇黎美國果邊真係唔多好. 12點先落堂...如常咁睇下個市啦.....嘩.跌成幾百點..睇下自己隻put輪先.....跌咁多先升得果4%...比聯你唔係玩野啊..? 之前跌成千點都可以有20%...而家跌咁多但put輪升咁少..真係搵笨.
中午因為要上堂,所以一直都冇睇個市. 到我個fd打過黎,先知恆指黎一次大deep v ,最後升百幾點收市. 所以話,幾時都估唔到大戶玩咩野. 咁都冇咩事既,反正自己都係估今日會反彈一下. 又睇睇隻輪, 真係叫人爆晒粗, 竟然可以倒跌 5% 收工. 跌五百幾點先升4%,升百零點就可以倒跌...可想而知輪商究竟有幾賺.
跌左咁多日,恆指跌左差唔多四千點..到而家得番27,800...跌完未? 我唔敢講,不過我估計仲有得跌. 恆指既50日線係27,486 . 暫時既支持位係呢度, 但係好危險,一有風吹草動就可以話穿就穿. 今個星期既焦點係星期三出既report. 匯豐既次按有幾多? 冇人知.大行就唔多睇好, Morgan, 高盛, 雷曼都預期匯豐個report會唔多好. 係唔係真? 今日就睇到5號仔既支持都好強,但又會唔會又係大戶fake人呢?
有人問,匯豐既report係唔係真係咁重要? 係. 今日睇wall street journal, 連ubs都話匯豐係"最誠實既銀行", 佢既report, 應該最能夠反映次按問題到底有幾嚴重. 美國又話出"超級基金"救市,不過最快都要下個月底先出黎,遠水救不了近火. 頭先又睇到杜指升緊百幾點,vix由高位31回落到26, 睇黎美市跌左咁多日,終於開始回穩. 不過而家仲未係入貨既時候,市場現時缺乏方向. 一切還看匯豐.
1 comment:
精警。
Post a Comment