貨幣戰爭讀後感

(有d係之前打落既+幫165溫溫書)

對於貨幣戰爭呢本書，其實我都早有耳聞。我係從一個Gbus既同學度知道既，果時聽到呢本書已經成為Gbus同學人手一本既時候，就覺得好驚訝，原來科大既讀書風氣(唔係摺)都唔算差。今個sem聽到又有同學係度睇既時候，終於忍唔住買左一本。雖然之前係網上都做過research，知道呢本書係玩陰謀論，但係無可否認，佢又寫得幾吸引，不過係就係誇張左少少。

本書唔算長，而且我覺得佢講既野有d重覆，所以我後半本開始睇得比較快。其實呢本書所講既主題不外乎兩個：『銀行家是如何的貪得無厭。』和『與美元相比，金本位是多麼的可愛。』我比較有興趣既係在於第二個(主要係因為佢同165都叫做有d關係)。

其實各國好早就已經開始用金本位作匯率，進行跨國貿易。後來因為各種原因，才令各國放棄金本位的制度，改用自行印刷的貨幣進行貿易。這也是浮動匯率的開始，也可以說是物價無限飛脹的時代。《貨幣戰爭》入面提及到，以現今既標準同埋金價去睇，各國貨幣兌金的價值，平均貶值了超過90%，而其中美元更加貶值高達96%。而家差唔多要成千美元先買到既黃金，其實幾十年前只需要用二十多美元便買到了。咁作者就得出一個結論，就係要回到無通脹，人民收入不會愈來愈少的時代，便要重新實行金本位制度。

作者講既野岩唔岩既呢?咁我就由165既角度去睇睇啦。無錯，如果要實現零通脹，除左用番金本位之外可以話別無他法。但係以而家既條件黎睇，要行金本位基本上伙無咁既可能。無疑，金本位的確有佢既優點，簡單，容易，而且由於黃金的總數基本上不變，所以貨幣既供應量亦都唔會有大既改變，從而穩定了幣值，達成零通脹的目標。

之但係政府會放棄使用金本位，自然有佢地既原因啦。其實實行金本位既費用係非常龐大既，又要顧及黃金既存量，又要開採黃金以應付需求，花費之大，不得不留意。據統計，實施金本位的費用可以佔一個國家gdp的2.5%，可想而知，政府點解唔行金本位。當然除左呢個理由之外，仲有其他既啦。金本位時期，失業率會比較高，短期的物價不穩定..(165notes講既，我都唔明點解) 除左呢d之外，仲有一個好重要既原因，就係政策上既需要。自凱恩斯既學說興起之後，政府就希望能夠有更大既權力，可以係經濟不景既時候，出手救市，縮短不景氣既時間。而要達成這一目標，貨幣政策可以講係不可或缺既，要想有貨幣政策，就要放棄任何的固定匯率(包括金本位)。這解釋了為什麼各國都漸漸放棄金本位，而採用權力更大，更能確保自己國家經濟既匯率制度。

而用浮動匯率，當然有麻煩啦。其中一個無可避免既就係通脹問題。由於用左浮動匯率，每個國家都可以隨心所欲咁去印銀紙。問題好快就出黎，銀紙印得太多，supply多過demand，所以就會令幣值下降(貶值)，同時也造成通脹問題。
政府印銀紙去攪基建=>勞動力需求升=>人工升=>呢d升左既人工又會去左消費度=>大家既收入增加=>物價上升。
所以有通脹係一個好正常既事。一個3%既通脹，幾十年既compund落黎，會有作者計到既果個數，我而家覺得好正常(之前就真係好驚訝)。呢個通脹係一件好事，由政府出推動經濟發展，對你同我都有好處啦。

點解之前我地仲會feel到通縮呢d野呢?除左係因為經濟既衰退之外，全球化都係一個非常重要既因素。如果大家都仲記得金磚四國既話，就好易明我講緊咩。呢幾個發展中國家，由於物價比已發展國家都來得低，本應有通脹的部分，會因生產成本得以減少而對銷，化解了通脹的壓力。在他們的全力幫助之下，基本上把全球物價停止了最少5年的時間。中國提供的大量低價土地，以生產低成本產品，印度接受由世界各地的外包服務，巴西的廉價農產品，俄羅斯的便宜資源，這些這些，都有效地壓制了全球的通脹。

最後，我仍然睇淡世界經濟!唔好話咩McDonald賺大錢，AT&T賺大錢，而家tech sector可能都仲係好既，但係我既睇法都係冇變。係全世界既經濟快速發展既時候，美國仆左街，而美國仆街，又會影響到其他地方，所以我覺得應該仲有得跌。McDonald係賺錢，但係佢今個quarter係本土係賺少左架。不過我點吹都冇用，美國托到咁既樣，咩都俾佢玩晒，熊仔!唔使驚架，最多咪死，我唔會放棄你既~

4/2 BHP Billiton 和 Rio 以及中國的突襲

說到礦產，不可不提的便是BHP Billiton。BHP Billiton 是世界上最大的礦產開採公司，在2001年由澳洲的BHP和英國的Billiton合併而成。作為全球最大的礦產資源擁有者，BHP有九個主要業務，由石油，鐵，煤，基本金屬(銅)，鎂以至於寶石的開採也有涉及。對全球的礦物出產影響深遠。而BHP Billiton的主要競爭對手便是英國的Rio Tinto. Rio Tinto是西班牙文，原文是指黃色的河，而現在成為了世界第三大的鐵礦生產商。

提起這兩間公司有什麼用呢，其實是因為在上年11月的時候，BHP向Rio提出高達1390億美元的收購方案。此舉引起了不少人的關注。因為當兩間公司合併之後，將會擁有世界上超過三分之一的鐵礦，以及絕大部分的煤炭和鋁，左右它們的價格。當中，最為憂心的是中國的投資者，尤其是鋼鐵/鋁業公司，因為中國是現今世界上這兩類最大的消費國，一旦收購成功，鋼鐵價格可能上升高達75%，對中國的公司構成極大的不利。

有見及此，市場一直傳言中國當局將會出手介入，力阻壟斷的情況出現。雖然Rio拒絕了BHP的提議，但是BHP仍然有機會在2月6日之前修改有關的提議，中國的憂慮仍未消除。的確，中國行動了。在2月1日，中國鋁業集團和美國鋁業透過雷曼兄弟，作出中國史上最大的一次海外投資。此次行動，成功購入Rio 12% 的股權，意味著BHP將要用更多的金錢去進行收購。同時，這也代表著中國開始進軍全球市場。

銅

銅是世界上最早被發現的金屬之一，僅次於黃金。而和黃金不同的是銅是和石油一樣，是世界上最為重要的工業原料之一。由於產量豐富，加工容易，銅由古代起已被人類製成不同的工具，如兵器等。而現在，銅更成為其他行業的重要材料，如航海，化工等等。基於它的導電性和導熱性都非常高，僅次於銀，和銀不同的是，開採和加工銅的成本比銀來得便宜，人類便利用此特性把銅作為電線的原料，同時也用於各種電器，是以銅成為了建造業上的重要材料。而銅的高穩定性，耐腐蝕性也使得它被用於能源，化工等行業。

世界上銅的儲藏量非常豐富，而大多數的銅資源位於美洲和非洲地區，智利，美國和贊比亞分別為世上銅資源最豐富的國家的頭三位。而由於銅是電線，建築物和各類機件的原料，故銅的需求某程度可以反映出一個國家的經濟増長。近年，發展中國家的銅消費增長已經超越已發展國家，並以亞洲為主要消費者。西歐為現在銅的最大消費地區，中國則超越美國成為第二消費國。值得注意的是，中國雖然不是銅的主要生產國，但卻是主要的煉銅國家，以陰極銅為例，中國是世界上第二的生產國，僅次於智利。

和石油不同，基本上預測銅的價格便是基於需求，而需求便是來於經濟發展。要以供應來預測銅價並不容易，這是因為銅有隱性庫存，各大交易所雖然會公佈平台上的庫存，但是由於有一定數量的銅藏於各商家及工廠手上，而這些又是不會公開的，故由供應推斷出銅價有一定的困難。前聯儲局局長格林斯潘便曾經利用美國製造戰機的數量，再輔以工業數據，成功推斷出當年美國的銅消費量。