好眼訓....訓緊都俾人整醒,想停一日唔寫blog都唔得. =.=
先講今日個市啦, 尋日杜指跌到見晒紅都知咩事啦. 有貨既人應該一早離左場, 無貨既人都唔該醒d, 邊有可能恆指今日會升先得架, 一睇就知派緊貨, 唔係下午做野就係聽日架啦. 大戶做市愈黎愈冇水平. 果然, 午市一開恆指就好似倒瀉籮蟹咁, 幾分鐘之內恆指由升轉跌, 又一次證明大戶既做市能力有幾咁高, 話升就升, 又跌就跌. 下午先開始黎料, 試驗26,000關口. 到收市都係26,004, 差好少? 定係大戶作出黎, 等你以為真係冇得跌?
跟住先知道四叔又出黎派定心丸, 話自己動用10億入市. 如果係早上入既話, 四叔,你而家應該係坐緊艇. 我唔係笑佢, 其實恆指跌到呢個位,已經好低架啦, 有d股更加低過8.17水平. 入唔入貨就見人見智啦, 反正聽日可以話實升既, 入入貨無妨既, 四叔都只係用左一半資金, 可見佢都唔係好肯定到底未, 唯有分段吸納.
仲有4日, 係我睇定d先. 因為聽講大戶淡倉積左好多係度, 4日之後就到結算日, 大戶應該會做野掛? 我個人認為聽日恆指既走勢不用理會, 因為今晚美國唔開市, 恆指將會完全俾大戶玩晒.
好支力, 寫住咁多先啦.
No comments:
Post a Comment