IFRS

(原來LG 1 同LG7 都係叫canteen,餐廳 而LG5 係叫 food court, 美食廣場,
咁樣叫唔叫misrepresentation?)

講左咁多finace既野，終於有一次可以真真正正講下ACCT既資料，有d咩野錯左請大家隨便講。
(唔想打咁多野,所以用簡寫IFRS,GAAP呢D大家都應該明既話我就唔講啦。
accouting standard = as)

今日睇ft既時候，發現份ft又比平時重左，入面多左一份叫corporate finace既野，但係入面有超過一半係講係IFRS架lor。有讀acct既course既人都會知道，as基本上可以分做3大類，IFRS(香港用緊既)，GAAP(好出名既us gaap)同埋強國會計制度(一直都話，永遠唔好睇小強國)。

雖然近期既次按風暴令到好多既CEO同埋大公司(尤其是投資銀行+保險公司)都對IFRS抱有非常大既意見，無可否認，以會計學既角度黎講，fmv的確係最正確咁去記錄一個asset既方法。而早係美國出現問題之前，其實各國早就已經開始去棄用自己既GAAP而去採用IFRS。歐盟同埋澳洲係05年既時候已經加入IFRS既陣營(可能因為咁樣，EY果d先至要建立歐洲本部)，而強國亦都開始採用IFRS。係2011年，加拿大，日本，韓國都會用IFRS而唔係佢地自己既GAAP。美國既SEC亦都對採用IFRS有非常大既興趣。可以話，用IFRS去出report將會係一個趨勢，各國既股東，債權人亦都可以對唔同國家既公司進行比較，唔駛驚因為as既唔同而得出一個錯誤既結論。香港既同學仔更加應該開心，因為你地只需要讀一套IFRS就夠晒，唔會因為政府話唔用GAAP，就要去讀多d野。

雖然話得一套IFRS會好方便，但事實上並唔係呢一回事。IFRS既別名係acct人自己用既standard，點解會有個咁既名呢，就係因為IFRS其實本身對一個頂目應該點樣去入就冇咩太大既要求，IFRS既重點在於會計師自己對果一樣野既定義，會計師話係trading既，咁咪要用fmv lor，佢話係no-trading既，咁咪用amortization lor。可以話，IFRS係acct人既一個工具，而唔係要去遵守既規則。所以IFRS其實係寫得好模糊下，同law差唔多，只要你解釋到點解要咁做，咁做又係唔係reasonable，咁就可以收工啦。呢一樣其實係一件好危險既事，因為每個會計師對IFRS既理解都唔同既話，佢地入數既時候既做法又會唔同左，咁就失去左會計原本既意義。

係唔係簡單左?當然唔係啦，由於你下下都要去解釋呢度點解要咁，果度又點解唔係咁，你就要去做非常多既準備工夫，收集資料，分析資訊呢d野變得比以前更為重要。結果，公司可以會因為用左IFRS而做好多野。舉例啦，如果可口可樂要用IFRS，會點呢?咁佢就要講下佢d 原料同產品到底值幾多錢，仲要話埋點解要用呢個方法。佢d工廠既depre又點計呢，有無新既廠起緊。唔只資產，股東既股分有冇變到啊，佢d股票而家又點啊，仲未計佢旗下果一大堆既公司。更加有公司因為採用左IFRS而要將佢本身既運作模式改變，因為佢要重新教育工程部既人，點樣可以去收集IFRS上需要用到既資料。

雖然話轉個as係好大件事，可能公司會突然間伐左錢啊果d。但係其實用咩野as，市場其實唔係點理。有調查指出，當一間公司轉左as之後，佢既股票係出report果日既波幅其實又唔係咁大，只係得1-2%。

不過有一件事一定會變左既係，AGM之後應該會變得又長又悶。由於IFRS要我地去講下d數點黎，點樣計，同埋點去計，d會計師會用好多時間去同d股東講下佢點樣用IFRS去出個report。我記得之前有人講過，佢去一間細公司既agm，本來就應該15-30分鐘就完架啦，但係個agm足足攪左3個鐘，為既就係要解釋一下個report上面既每一個數。大家如果有做個acct既presentation既話應該會好明白，幾十個表咁樣拋出黎，一大堆數字，再加上d似懂非懂既as，絕對令d股東頭暈加眼花，個agm亦都變左做一個acct既lecture，非常既浪費時間。

所以，如果有邊個有睇到呢個pst又做到去大粒野既話，唔該，盡量將d as簡化d，唔好太長，又成日都改，咁樣既話對會計師，對公司，對投資者都有好處。我相信應該冇人有興趣去睇d一百頁既report，但係入面其實有八十頁係footnotes架lor。