10/12 次按又黎

風暴已經過去?未，仲有排你玩啊。正當個個都係度等減息，等個市重上三萬點既時候，港股主要輪商之一既瑞銀又出黎話俾你聽，次按其實好大件事。先前一眾大行齊齊撇賬，合共撇左六百幾億係次按上面，大家就飲得杯落，撇都撇左，冇事既，慢慢等升市啦。

你就想! 今日下午，本來係打算搵搵美期既資料，點知望到Bloomberg又有新料，睇得呢D野多，對Sub-Prime呢個字好敏感，又見到UBS呢個名，就click入去睇睇。先知道瑞銀今次好消息一齊出。首先話有成百億既次按要撇，跟住又話從新加坡同中東引入投資，值一百一十億。結果兩邊一齊黎，最後恆指雖然係跌，但都唔係跌好多。而家歐洲股市好似都唔錯，相信係等緊聯儲局議息既結果。

睇番討論區，一眾股市見到瑞銀又中招，點都要罵一罵先下到啖氣。其實稔真又係既，香港每日有成三百億成交係窩輪，佢地中途賺埋賺埋都夠數有餘啦，都唔知d數點計既，係輪上面賺到既錢都唔夠賠? 真係有d難以置信。不過瑞銀就醒目過花旗同美林呢兩間同行，識得用注資黎引開注意力。

呢排考試，溫書都已經唔係好夠時間，打blog既時間暫時應該會少左。暫時都係同大家分享一下近日既新聞算數。
頭先我朋友又話有個投資比賽，不過而家考緊final，稔住都係訓身大笨象，等考完試先理佢啦。